Hasanayn.uz

Maqolalar

MaqolaQABR AZOBI HAQIDAMaqolaENG KATTA BOYLIKMaqolaO‘QISH BOSHQA, UQISH BOSHQAMaqolaHAR KIM O‘Z QO‘L OSTIDAGILARDAN MAS’ULMaqolaZAMONAVIY XATOLARMaqolaASOSIY MUAMMOMaqolaMAZMUNI QUR’ON BO‘LGAN HAYOTMaqolaZULMGA ROZILIK SIZNI HAM ZULMGA DUCHOR QILADIMaqolaTUYG‘UGA EMAS, ILMGA SUYANISH KERAKMaqolaMODDIY ILMLAR MA’NAVIYAT BERA OLMAYDIMaqolaHURRIYAT MAS’ULIYATDIRMaqolaYECHIM ILMDAMaqolaNOMODDIY QONUNIYATLARMaqolaXABARDOR OVOZA QILMAYDIMaqolaO‘ZBEKNING O‘ZLIGIMaqolaALLOHNING IRODASI G‘OLIBDIR, FAQAT YAXSHILIKDIRMaqolaQOIDALAR BUZILMASIN!MaqolaPARIJDAGI JOME’ MASJID G‘ARBLIKLAR UCHUN HAYOTIY DARS BO‘LISHI LOZIMMaqolaNOMUS SOTILMAYDIMaqolaNIMA SOTSAK SOTDIK, AMMO VATANNI SOTMADIK!MaqolaTO‘LMAS BO‘SHLIQMaqolaTEKIN TOMOSHAMaqolaENG YAXSHI BAYKOT - ISHLAB CHIQARISHDIRMaqolaTIL O‘RGANISH BO‘YICHA TAVSIYAMaqolaRAMAZON DUO OYIMaqolaQUR’ON KO‘ZGUSIMaqolaILOHIY QONUNIYATMaqolaALISHER NAVOIY HOFIZI QUR’ON BO‘LGANMI?MaqolaYAPONIYADA QUR’ON ANJUMANIMaqolaIKKI KO‘NGILMaqolaNOSHUKRLIKMaqolaATEIZM ILM EMASMaqolaFOBIYA VA UNING DAVOSIMaqolaQADRYATLARNI QADRLAGAN QATARMaqolaO‘ZIMIZ DARYO BO‘LAYLIKMaqolaTANQIDMaqolaQAY BIRI MADANIYLASHGAN?MaqolaANDALUSIYADA TA’LIMMaqolaILOHIY IRODAMaqolaO‘ZBEK TILI – DAVLATNING TILIMaqolaMAVLID OYI MUBORAK BO‘LSIN!MaqolaMUSTAQILLIK ULUG‘ NE’MATMaqolaISLOM ALLOHNING DINI, ARABLARNING EMASMaqolaMOZIYGA QARAB ISH KO‘RMOQ XAYRLIDIRMaqolaTASHVISH VA G‘AM PAYTIDA QILINADIGAN MUSTAJOB DUOMaqolaHAR KIM O‘Z ISHINI QILISHI KERAK!MaqolaTEJAMKOR KAM BO‘LMAYDIMaqolaRAMAZON TAJRIBALARIDANMaqolaSALOMATLIK MEZONIMaqolaAMRI MA’RUF VA NAHIY MUNKAR – JAMOATCHILIK NAZORATIDIR
Ro‘yxatga qaytish

Hasanxon Yahyo Abdulmajid

NIMA SOTSAK SOTDIK, AMMO VATANNI SOTMADIK!

«Biz dunyoning katta qismida bir necha asr hukmronlik qilgan sulola avlodi bo‘lsak ham, Vatan sadoqati yo‘lida ko‘p mashaqqatlarga duch keldik. Vaqti kelsa, tirikchilik uchun sabzi-kartoshka ham sotdik, kashnich-piyoz ham sotdik. Men faxr bilan shuni aytamanki, biz nima sotsak sotdik, ammo Vatanni sotmadik».

NIMA SOTSAK SOTDIK, AMMO VATANNI SOTMADIK!

Kuni kecha Abdulhamidxonning avlodlaridan birining aytgan ajoyib so‘zlarini o‘qib qoldim, gaplari menga juda ham yoqdi. U shunday yozadi:

«Biz dunyoning katta qismida bir necha asr hukmronlik qilgan sulola avlodi bo‘lsak ham, Vatan sadoqati yo‘lida ko‘p mashaqqatlarga duch keldik. Vaqti kelsa, tirikchilik uchun sabzi-kartoshka ham sotdik, kashnich-piyoz ham sotdik. Men faxr bilan shuni aytamanki, biz nima sotsak sotdik, ammo Vatanni sotmadik».

E’tiborimni tortgan narsa, so‘zlovchi din-diyonatli, e’tiqodli odam ekan. Haqiqatan, tarixda ham, bugun ham haqiqiy musulmon odamning gapi shu bo‘lgan. Shu paytgacha yurtimizning asosiy fidoiylari ham ulamolar, dinu diyonatli kishilar bo‘lgani fikrimizni quvvatlaydi.

Darhaqiqat, Vatan elniki, ajdodlardan qolgan pokiza meros, u hech kimning shaxsiy mulki emas. Binobarin, u har birimiz uchun omonat, unga sadoqat burchimiz, uni hech bir qiymatda sotish, shaxsiy manfaatga ishlatish mutlaq mumkin emas.

Vatan bejizga onaga mengzalmagan. Ha, biz uni «Ona Vatan» deymiz. Onani sotib bo‘larkanmi? Onani baholab bo‘larkanmi? Yo‘q, Ona sotilmaydi, bil’aks, ona uchun jonu mol fido qilinadi, vujudni baxshida etiladi. Vatanni sotganlar onasini sotgan sanaladi. Kishi nima sotsa sotsin, ammo Onani sotmasin!