Hasanxon Yahyo Abdulmajid
MEZON BUZILMASIN
Ba’zilar tinch aholi qatliom qilinishiga Hamasni sababchi qilib ko‘rsatmoqchi bo‘lmoqda. To‘g‘ri, ulardan ham xato o‘tgan bo‘lishi mumkin, biroq vaziyatlarini to‘liq bilmay turib bu haqda bir nima deyish qiyin. Qolaversa, ularni hozir aybdor qilish bosqinchining vahshiyligini haspo‘shlash, mazlumlarga nisbatan shafqatni qalbdan chetlatishga xizmat qiladi, xolos. Bu esa mezonlar buzulishiga, qalbning zulmga ko‘nishiga sabab bo‘ladi.
MEZON BUZILMASIN
Ba’zilar tinch aholi qatliom qilinishiga Hamasni sababchi qilib ko‘rsatmoqchi bo‘lmoqda. To‘g‘ri, ulardan ham xato o‘tgan bo‘lishi mumkin, biroq vaziyatlarini to‘liq bilmay turib bu haqda bir nima deyish qiyin. Qolaversa, ularni hozir aybdor qilish bosqinchining vahshiyligini haspo‘shlash, mazlumlarga nisbatan shafqatni qalbdan chetlatishga xizmat qiladi, xolos. Bu esa mezonlar buzulishiga, qalbning zulmga ko‘nishiga sabab bo‘ladi.
Agar bir zo‘ravon birovning uyiga bostirib kirib, uni hadeb xo‘rlayversa, chidamaganidan oxiri bir tarsaki qo‘yib yuborsa, bosqinchi g‘azabga to‘lib, bechora mazlumni oilasi bilan so‘yib, qiymalab tashlasa, kimni ayblash kerak? Shunda ham uy egasini qoralashni qanday tushunsa bo‘ladi?
Urushni falastinliklar boshlagan taqdirda ham, agar isroilliklar odamga o‘xshab urush qoidalariga rioya qilishganda, ayollar va bolalar qirg‘in bo‘larmidi? Yo‘q, albatta. Biroq siontistlar qo‘rqoqligi va ablahligidan ayollar va bolalarni o‘ldirib, odamlarni och-tashna qo‘yib, shu bilan falastinliklarning qaddini bukmoqchi, xorlikka taslim qilmoqchi bo‘lishmoqda.
Odamlarda «Dushmaning erkak bo‘lsin ekan», degan gap bor. Agar Isroil jangarilari erkak bo‘lganida, sal bo‘lsa ham odam bo‘lganida, ayollar va bolalarni bombalamay, boshdan piyoda urushga kirar edi. Baribir bombalash bilan falastinlik askarlarni hech narsa qila olmadi va buni bilardi ham. Ammo maqsad boshqa bo‘lgani uchun, o‘zining zo‘bidinligini ko‘rsatish uchun, jazavaga tushganidan askarlarga hujumni bahona qilib, G‘azzadagi tinch aholini qirmoqda. Bu bilan dunyo bizniki, xohlaganimizni qilamiz, boshqalarning biz uchun hayvonchalik qadri yo‘q, xalqaro qonunlaringga ham tupurib qo‘yganmiz, deyishmoqda.
Bosqinchilarning biri ta’kidlashicha, g‘azzaliklar dushmanga o‘z farzandlarini sotmagani, ularni yashirib, qo‘llagani uchun ham o‘limga mahkum ekanlar. Mana ularning mezoni.
G‘azzadagi «Al-Azhar» tolibalardan biri aytishicha, unga G‘azzadagi jangchilarning joyini aytishi evaziga 15.000 dollar va Yevropaga sayohat va’da qilishibdi. U xatni hammaga e’lon qilib yubordi va vatan sotilmasligini ta’kidlab qo‘ydi. Bunday sobitlik dushmanni tahlikaga solishi ham tabiiy.
Falastin xalqining so‘zlarini kuzatib, shunga ham qoyil qolasizki, birortasi biror marta o‘z jangchilari haqida bir og‘iz ham salbiy gap aytmadi. Haqiqiy dushman kim, do‘st kim, tanishar ekan. Bu ham dushmanni talvasaga solmoqda va zulm yo‘li bilan bo‘lsa ham xalqning fikrini o‘zgartirishni istamoqda.
Zolimlarning umumiy qoidasi o‘zi shu, agar manfaatlariga xizmat qilsangiz, siz bilan yaxshi muomala qilishlari mumkin. Ammo o‘z manfaatingizni himoya qilsangiz, ularning foydasiga ishlamasangiz, sizni dushman tutib, o‘ldirib tashlashdan tap tortishmaydi.
Bu dunyo o‘tkinchi, zulmlar ham o‘tkinchi. Musulmonlarning boshiga bunday kulfatlar tushishi yangilik emas, tarixdan juda ko‘p takrorlanib kelgan. Bu ham bir imtihon. Bunda hech yo‘q tarafni belgilashda to‘g‘ri bo‘lish kerak, zulmni emas, adolatni yoqlash kerak. Oqibat esa taqvodorlarnikidir.
Rasululloh sollallohu alayhi vasallam payg‘ambarlikdan oldin ham, keyin ham hamisha zulmni qoralaganlar, mazlumning tarafida bo‘lganlar, garchi ular musulmon bo‘lmasa ham. Alloh bandadan qudrati yetganidan so‘raydi. Agar mazlumga yordam qilishga qodir bo‘lmasangiz, hech yo‘q zolimni yoqlamang, bunga albatta imkoningiz bor. Mezon buzilmasa, bir kun haqni himoya qila olasiz.