Hasanxon Yahyo Abdulmajid
VOQE’IY HAQIQAT
Bir kattaroq yoshdagi kishi so‘rab qoldi: «Domla, yoshligimizda dinga yo‘l ochilmagan, hozirgidek ma’ruzalar yo‘q, ammo odamlar birovning haqqidan qo‘rqar, ayollar ham iffatini saqlar edi. Ammo mustaqillikdan keyin dinga yo‘l berildi, kitoblar nashr qilinmoqda, ma’ruzalar ko‘p, ammo odamlarda omonat yo‘qolib, ayol qizlarda hayo ko‘tarilib ketmoqda. Bunga nima deysiz?»
Voqe’iy haqiqat
Bir kattaroq yoshdagi kishi so‘rab qoldi: «Domla, yoshligimizda dinga yo‘l ochilmagan, hozirgidek ma’ruzalar yo‘q, ammo odamlar birovning haqqidan qo‘rqar, ayollar ham iffatini saqlar edi. Ammo mustaqillikdan keyin dinga yo‘l berildi, kitoblar nashr qilinmoqda, ma’ruzalar ko‘p, ammo odamlarda omonat yo‘qolib, ayol qizlarda hayo ko‘tarilib ketmoqda. Bunga nima deysiz?»
Men shunday javob berdim: «Siz yoshligingizda ko‘rgan odamlar bizning dindor ota bobolarimiz tarbiya qilgan avlod edi, bugungi odamlar esa ko‘proq dinsizlik yetishtirgan jamiyat kishilari, farq ana shunda. Agar biz chin o‘zligimizga qaytsak, o‘shanda siz istagan halol-pok avlod bunyod bo‘ladi».
Kattalardan eshitgan edim. Rus bosqinidan keyin oldinda pana pastqam joylarda pisib, odamlardan yashrinib yurgan bangilar, buzuqilarga qasddan keng imkoniyatlar qilib berilgan ekan. Agar birorta ahli ilm, yoshi kattaroq odam ularni tartibga chaqirgudek bo‘lsa, rus og‘alariga borib chaqar, «mehribon» askarlar darhol yetib kelib, nasihat qilgan odamni tutib ketib, javobgarlikka tortishar ekan. Bora bora amri ma’ruf va nahiy munkar qiladiganlar yo‘q bo‘lib, qolganlar bu kabi ishlarga jurhat qilolmay qolgan ekan. Natija esa hammaga ma’lum.
Biroq, o‘shanda ham yuragida o‘ti bor, ayrim jasoratli, hikmatli olimlarimiz, ajdodlarimiz qo‘ldan kelganicha, bor budlarini fido qilib o‘z vazifalarini bajarib borishdi va shu sababli dinimiz shunchali saqlanib qoldi. Ammo musulmonlar o‘rtasidagi ayrim muammolar, ateistlar da’vo qilgandek, din tarbiya qila olmaganidan vujudga kelgan emas, balki dinsizlik, tarbisizlikning achchiq oqibatlari hisoblanadi.
Alhamdu lilloh, bugun har tugul so‘z erkinligi va zamonaviy vositalar yordamida dinimizni qo‘ldan kelgancha yetkazish nasib bo‘lib turibdi. Agar Islomni to‘g‘ri o‘rganib, unga ixlos bilan amal qilishni yo‘lga qo‘ysak, inshoolloh, kelajagimiz shonli tariximizga munosib chin ma’noda buyuk bo‘ladi.